22/07/2017
Ditën e shtunë pati një tërmet të rëndë të tërmetit në Turqi, i cili preku dhe disa zona të Greqisë, përfshirë këtu edhe ishujt Kos dhe Rhodos duke lënë dy të vdekur dhe 200 të lënduar.
Këngëtarja e njohur shqiptare, Eli Fara, ndodhej me pushime në ishullin Kos, ku dhe është ndier tërmeti i fuqishëm e në orët e para të mëngjesit publikoi një fotografi, ku shkruante: “Shpëtuam nga tërmeti”.
Blitz.al kontaktoi me këngëtaren, e cila u shpreh se tashmë gjendja është stabilizuar dhe janë shëndoshë e mirë.
“Tani jemi mirë, por natën e kaluam jashtë, sepse ndjemë lëkundje deri në mëngjes. Kaloi. Shpresojmë të mos përsëritet”, citohet të ketë thënë ajo.
