Dy gola të shpejtë në ndeshjen për vendin e tretë në Kupën e Botës
17/12/2022
Kroacia dhe Maroku po luajnë ndeshjen që vlen medaljen e bronztë në Kupën e Botës.
Pas eliminimit të tyre nga Argjentina dhe Franca, këto dy skuadra po luajnë për një vend në podium, ndërsa përballja ka filluar furishëm.
Që në minutën e 7-të erdhi goli, kur Ivan Perisic asistoi te Josko Gvardiol i cili shënoi për 1-0.
Por vetëm pas dy minutash Maroku arriti të barazojë, kur Achraf Dari me një goditje me kokë shënoi për 1-1.
Ndeshja po del të jetë interesante dhe pritet të ketë edhe gola të tjerë. /Telegrafi/