Gjatë pasditës së sotme (e premte), reperi i njohur DJ Blunt ishte pre e një mosmarrëveshje e cila ndodhi mes disa personave.
Rastin e konfirmoi për Telegrafin edhe Policia e Kosovës, të cilët treguan se ngjarja ndodhi në rrugën "B" në Prishtinë, nga ku pas përleshjes reperi ka kërkuar trajtim mjekësor në QKUK.
Ndërkohë, vet DJ Blunt, i kontaktuar nga Insajderi, ka mohuar rastin në fjalë duke e quajtur si jo të vërtetë.
“Jo bre nuk është e vërtetë hiç, që jam therrur me thikë. Unë jam tu u marrë me klipin më të ri që e kemi publikuar sot, të quajtur “Dubai”. Ajo ngjarje që u raportu ka qenë e natyrës së një problemi që një shok i imi e ka pas me disa persona. Unë vetëm e kam ndihmuar atë. Kurgjë më shumë.”, ka thënë DJ Blunt.
I njëjti ka qenë shumë aktiv kohëve të fundit me projekte të reja në muzikë, teksa duket se do të vazhdojë me prurje të reja. /Insajderi/Telegrafi/
