Dëmtohet “Skënderbeu” në Prishtinë, askush nga institucionet nuk ndërhyn në rregullimin e tij (Video)
10/08/2017
Ka kohë që monumenti i heroit Gjergj Kastrioti-Skënderbeu, i vendosur në sheshin kryesor të Prishtinës, është dëmtuar dhe askush nga institucionet nuk ka ndërhyrë në rregullimin e tij.
Megjithatë, Lëvizja për Shqipëri të Bashkuar ka njoftuar që të shtunën përfundon rregullimi i Monumentit të Gjergj Kastriotit.
Sipas tyre, përveç rregullimit të shkronjave të monumentit, do të shtohen edhe dy elemente tjera kombëtare, të cilat i kanë munguar deri sot monumentit të kryeheroit kombëtar: flamuri kombëtar dhe harta e Shqipërisë së Bashkuar.
Përndryshe, monumenti i Skënderbeut në Prishtinë është vendosur në shesh më 28 nëntor të vitit 2001. /KP/Telegrafi/