Manchester City ka barazuar (1-1) kundër Shakhtar Donetskut në ndeshjen e xhiros së pestë të fazës grupore të Ligës së Kampionëve që u zhvillua në Etihad Stadium.
Gjysma e parë nuk prodhoi gola, ndërsa rezultati u zhbllokua në pjesën e dytë të takimit me një gol të realizuar nga lkay Gundogan (56').
Mirëpo, Manor Solomon e barazoi rezultatin (69') dhe deri në fund të sfidës nuk u shënuan gola ta tjerë, ashtu që skuadrat e morën nga një pikë.
Ekipi i Pep Guardiolas është lider në Grupin C me 11 pikë dhe tashmë e ka siguruar kualifikimin nga vendi i parë në këtë grup.
Në ndeshjen tjetër të këtij grupi, Atalanta e ka mposhtur Dinamo Zagrebin me rezultat 2-0. Luis Muriel nga penalltia (27') dhe Alejandro Gomez nga loja e hapur (47') i shënuan golat për skuadrën italiane.
Në këtë mënyrë, (krahas Manchester Cityt të kualifikuar) në garë për të vazhduar në fazën e eliminimit direkt janë që të tria këto skuadra. Ndërsa në xhiron e fundit takohen Shakhtar Donetsk Atalanta dhe Dinamo Zagreb - Manchester City. /Telegrafi/