Chelsea ka barazuar me rezultat 0-0 ndaj Evertonit në ndeshjen e vlefshme për javën e 12-të në Ligën Premier.
Pjesa e parë e ndeshjes u karakterizua me dominim të Bluve, por edhe me nervozizëm nga të dyja skuadrat, pasi gjyqtari ndau plot pesë kartonë të verdhë.
Rastet më të mira ishin ai i Bernard (12') dhe dy raste nga Marcos Alonso (24', 42'), por që asnjëra goditje nuk e gjeti cakun.
Në pjesën e dytë, Chelsea vazhdoi dominimin dhe shpeshtoi rastet për të gjetur golin e epërsisë.
Në minutën e 60-të, Willian pati rastin më të mirë deri tani në ndeshje, por nuk arriti ta konkretizojë.
https://twitter.com/MorataAm9/status/1061645239188905985
Blutë gjetën golin në minutën e 72-të me anë të Alvaro Moratas, por ky gol u anulua shkaku i pozitën jashtë lojës.
Deri në fund të ndeshjes, pati edhe disa raste nga të dyja skuadrat, por rezultati mbeti i pandryshuar dhe ndeshja përfundoi me rezultatin që nisi.
Pas këtij barazimi, vendasit kanë 28 pikë në vendin e tretë, teksa Evertoni renditet në vendin e nëntë me 19 pikë.
Në ndeshjen e radhës, Chelsea udhëton te Tottenham Hotspur, ndërsa Evertoni e pret në shtëpi Cardiff Cityn. /Telegrafi/