Reece James sapo është rikthyer nga lëndimi i gjatë që e mbajti jashtë fushave për disa muaj.
Mbrojtësi i talentuar anglez ka filluar të luaj me ekipin e parë të Chelseat, por ende nuk ka minutat e duhura.
Kësisoj trajneri Frank Lampard po mendon ta huazojë atë në Championship për të fituar sa më shumë minuta pas rikthimit nga lëndimi.
19-vjeçari në një ndeshje të Kupës ka shkëlqyer duke shënuar një gol e duke bërë një asistim.
Chelsea po pritet ta huazojë Jamesin në janar tek skuadra e njohur angleze Leeds United.
Mediat angleze kanë raportuar se Leeds ka shprehur interesim të madh për lojtarin dhe është gati t’ia jap një fanellë titullari.
James shihet si e ardhmja e Chelseat dhe e futbollit anglez, pasi përveç që luan në pozitën e tij natyrale si mbrojtës i djathtë ai luan edhe në qendër të mbrojtjes dhe si mesfushor qendror. /Telegrafi/