Të merreni me sport nuk është gjë aq e vështirë sa mendojnë shumica. Në fakt, studimet tregojnë se shpenzimi i 30 minutave në ditë me ushtrime ditore mjafton për të qëndruar në formë dhe për ta përmirësuar shëndetin.
Por, si ndikojnë ushtrimet e rregullta në trupin tuaj? - transmeton Telegrafi.
GJATË USHTRIMEVE
- Metabolizmi rritet
- Viskoziteti i gjakut përmirësohet
- Rrjedha e oksigjenit rritet nga 8 litra (kur jeni duke pushuar) në 100 litra për minutë
- Rritja e qarkullimit të gjakut iu mundëson qelizave të marrin më shumë oksigjen dhe vlera ushqyese nga gjaku
- Trupi fillon t’i tretë proteinat dhe karbohidratet katërfish më shpejt, prandaj humbni peshë më shpejt
- Truri fillon të lirojë më shumë endorfine, gjë e cila jua përmirëson disponimin
- Vetëbesimi ju rritet
- Shtypja e gjakut normalizohet
- Filloni të flini më mirë dhe kualiteti i gjumit përmirësohet
- Kapaciteti i mushkërive rritet
- Zemra dhe enët e gjakut ju funksionojnë më mirë
- Bëheni më të qëndrueshëm
- Nivelet e hemoglobinës në gjak përmirësohen; numri i qelizave të kuqe të gjakut për kub milimetër të gjakut rritet nga 5 milionë në 6 milionë.
- Sistemi i imunitetit ju forcohet, ndërsa niveli i limfociteve në gjak rritet.
- Trupi i rregullon nivelet e sheqerit dhe substancave tjera në gjak më lehtë
- Trupi juaj ka më pak dhjam
- Jeni më pak të stresuar, ndërsa jeni më pak të prirë të përjetoni ndjenja depresive dhe ndryshim disponimi
- Transferimi i oksigjenit në muskuj rritet, ndërsa qarkullimi i gjakut përmirësohet
- Një koordinim i përmirësuar i lëvizjeve ju mundëson ta forconi sistemin nervor. Shpejtësia e transmetimit të impulsit nervor rritet; aktiviteti i trurit përmirësohet dhe merrni vendime më lehtë.
- Sistemi muskuloskeletal i trupit forcohet: muskujt ju rriten, ndërsa eshtrave tuaj iu rritet densiteti
DISA VITE PAS USHTRIMEVE TË RREGULLTA
- Jetëgjatësia iu rritet
- Qëndroni më të ri për një kohë të gjatë! /Telegrafi/