Portieri i Manchester United, David De Gea thuhet se ka mbledhur 25 milionë euro kursime në vitet e fundit.
Spanjolli ka vetëm një muaj të mbetur në kontratën e tij, por ai do të nënshkruajë një marrëveshje të re përpara se të hapet afati i transferimeve të verës.
Edhe pse aktualisht është më i paguari në Old Trafford - me 400,000 euro në javë, De Gea pritet të pranojë një ulje të madhe të pagës për të qëndruar në klub.
Nga korriku, ai pritet të arkëtojë 250,000 euro në javë - pothuajse gjysma e asaj që ai ka fituar për katër vitet e fundit.
Megjithatë, sipas Daily Mail, portieri ka grumbulluar para të mjaftueshme për të mbuluar humbjet.
De Gea ka mbledhur 25 milionë euro kursime në firmën që ai përdor për të mbajtur paratë e të drejtave të tij të imazhit.
Spanjolli drejton një firmë të quajtur Bedamarse Limited për të marrë pagesa të lidhura me emrin e tij.
De Gea iu bashkua Man Unitedit nga Atletico Madrid në vitin 2011 dhe që atëherë ka bërë 539 paraqitje për Djajtë e Kuq. /Telegrafi/