Binjaket me kokë të ngjitur: Kur njëra fle, tjetra zgjohet dhe dëshiron të luajë! (Video)

Me anë të intervenimit cezarian, Siti Nuryaningsih i ka lindur tri vajza njëherësh.

Derisa njëra ka lindur normal, dy motrat e saj e kanë kokën e ngjitur mes vete, transmeton Telegrafi.

Mjekët e spitalit në Tanjungpinang të Indonezisë, kanë mbetur të mahnitur me këto binjake, pasi me shumë vështirësi e kanë kryer lindjen.

Sidoqoftë, vajzat që kanë kafkë të përbashkët, por secila trurin e vet, gëzojnë shëndet të mirë.

Madje, prindërit e tyre, thonë se ato kanë edhe personalitete të ndryshme.

“Kur njëra fle, tjetra zgjohet dhe dëshiron të luajë, ato janë krejt të ndryshme”, ka thënë nëna e tyre.

Mjekët në Indonezi, janë duke bërë përgatitjet, për një ‘operim historik’ që të ndajnë të porsalindurat.

Mirëpo, ato duhet të shtojnë edhe nga tetë kilogram, në mënyrë që të mos ketë komplikime gjatë operimit. /Telegrafi/