Ish- ylli i Manchester Unitedit, Dimitar Berbatov beson se Marco Verratti do të ishte lojtar i mrekullueshëm për mesfushën e Djajve të Kuq.
Italiani vuri në dukje talentin e tij të madh në fitoren e PSG-së ndaj Unitedit në Old Trafford të martën në mbrëmje me rezultat 2-0.
Berbatov mendon se aftësitë Verratit me top do të përshtaten së bashku me forcën e Nemanja Maticin në mesfushën e Unitedit.
"Marco Veratti ishte shumë mbresëlënës në qendër të mesfushës për PSG-në", ka thënë fillimisht sulmuesi bullgar.
"Ajo që më pëlqen tek ai është se mendimi i tij i parë është gjithmonë të shkojë përpara".
"Nëse nuk mund të ecë përpara, ai është i lumtur për të mbajtur topin, duke kontrolluar ritmin dhe pothuajse duke vënë ekipin tjetër në gjumë".
"Italiani është një talent i pabesueshëm, ai më kujton Xavin dhe Iniestan në shumë mënyra".
"Ai do të ishte i madh në mesfushën e Unitedit së bashku me Maticin, pasi serbi do të bënte punë të pista, ndërsa ai do ta kontrollonte lojën", përfundoi Berbatov. /Telegrafi/