Bayern Munich ia vazhdon kontratën Serge Gnabryt

Bayern Munich ka njoftuar se është vazhduar kontrata me futbollistin e ri, Serge Gnabry.

Lojtari ka rinovua me bavarezët zyrtarisht kontratën deri në vitin 2023.

Bayerni me këtë rinovim ia ka mbyllur dyert të gjitha klubeve që kishin shfaqur interes për 23-vjeçarin.

“Serge është një i ri me të ardhme të madhe dhe një nga lojtarët kyç të Bayernit”.

“Jemi të bindur se ai do të na kënaqë në vitet e ardhshme”, ka thënë drejtori sportiv Hasan Salihamidzic.

Gnabry u transferua te Bayern në verën e vitit 2017 dhe u huazua te Hoffenheim për një sezon.

Ai u rikthye te Bayern verën e kaluar duke zhvilluar 29 ndeshje.

Gnabry ka shënuar tetë gola dhe ka asistuar në pesë të tjerë. /Telegrafi/