Babai rrah dy vajzat e tij të mitura në Lipjan
21/03/2024
Një person është arrestuar nën dyshimin se i njëjti kishte rrahur dy vajzat e tij të mitura.
Në raportin 24 orësh të Policisë së Kosovës bëhet e ditur se rasti ka ndodhur të mërkurën rreth orës 10:00, në Lipjan.
Tutje bëhet e ditur se viktimat janë intervistuar në prezencë të punëtorit të QPS-së, ndërsa i dyshuari është dërguar në mbajtje.
Ndërkaq, rasti është cilësuar si “Keqtrajtim apo braktisje e fëmijës”.
“Është arrestuar i dyshuari mashkull kosovar nën dyshimin se i njëjti kishte rrahur dy vajzat e tij të mitura. Viktimat janë intervistuar në prezencë të punëtorit të QPS-së, ndërsa i dyshuari pas intervistimit me vendim të prokurorit, është dërguar në mbajtje”, thuhet në raport. /Telegrafi/