Mes shqetësimeve në rritje për trajtimin e udhëheqësit të burgosur rus të opozitës Aleksei Navalny, një gjykatë në Moskë më 15 prill 2021 i shqiptoi gjobë avokatës së Fondacionit Antikorrupsion të Navalnyt, Lyubov Sobol duke e dënuar me kusht me punë korrektuese për një vit.
Po ashtu, kjo gjykatë e ka dënuar me një gjobë prej 10 për qind të pagës së saj.
Sobol ishte përpjekur të fliste me një punonjës të Shërbimit rus të Sigurisë (FSB), i supozuar që ishte përfshirë në helmimin e Navalny në muajin gusht të vitit të kaluar.
Në një intervistë për Current Time, ajo tha se Kremlini me anë të këtij dëmini dëshiron ta vendos nën vëzhgim.
"Para se gjithash, vendimi nuk më ka frikësuar. Kjo është një dëshmi se si bëhën gjykimet - shumë të shpejta. Në Rusi, për një rast politik, duhet të ketë një shfajsim. Pra, është një dëshmi që Kremlini me këtë dënim dëshiron të më vendos në vëzhgim", tha Sobol.
Gjatë kësaj interviste, ajo tha se nuk planifikon të largohet nga Rusia.
Gjyqi kundër Sobolit vjen në kushte të shtypjes kundër aleatëve dhe mbështetësve të Navalnyt, të cilët organizuan disa tubime për të protestuar arrestimin e tij në fillim të këtij viti. /Telegrafi/