Arsenali thuhet se kishte skautë në stadium për duke shikuar mesfushorin e Cagliarit, Nicolo Barella kundër Interit.
Cagliari arriti të fitojë në Sardegna Arena të premten në mbrëmje me rezultat 2-1 ndaj Interit në ndeshjen e javës së 26-të të Serie A.
Golat në këtë ndeshje u shënuan nga Luca Ceppitelli dhe Leonardo Pavoletti për vendasit, Lautaro Martinez për mysafirët, ndërsa Nicolc Barella humbi një penallti të vonshme.
Është pikërisht mesfushori i ri italian, Barella, i cili ishte në syrin e skuatëve në këtë ndeshje.
Sipas mediumit La Gazzetta dello Sport, Arsenali kishte skautë në shkallët e stadiumit për ta shikuar nga afër talentin e madh italian.
Barella bërë një performancë të fortë për të ndihmuar ekipin e tij në këtë fitore, pavarësisht humbjes së penalltisë.
Megjithatë, klubi londinez nuk do ta ketë të lehtë transferimin e xhevahirit italian, pasi ka konkurrencë të madhe për shërbimet e tij.
Interi, Napoli dhe Chelsea të gjithë kishin luftuar për Barellan në afatin kalimtar të janarit, por u përplasën me një çmim të kërkuar prej 50 milionë eurosh.
Reprezentuesi italian mbushi 22 vjet muajin e kaluar, por tashmë ka 89 paraqitje në Serie A, me shtatë gola dhe tre asistime. /Telegrafi/