Dan Chamberlain dhe Russell Yeomans kanë gjetur fosile të shumta gjatë viteve të fundit, por janë befasuar me ashtin e mamuthit, që e gjetën në Norfolk të Anglisë.
Derisa po gërmonin në një plazh, arkeologët amator hasën në fosilin e pjesës së poshtme të këmbës, që besohet të jetë e vjetër më se dy milionë vjet, transmeton Telegrafi.
“Kemi gjetur pjesë të krijesave të lashta gjatë tërë bregdetit, por nuk besuam se mund të gjejmë diçka që është e gjatë 1.2 metra”, ka thënë Chamberlain lidhur me rastin.
Madje, ashti i përparmë i këmbës ka qenë shumë lart sipërfaqes së tokës dhe nuk është dashur mund i madh për ta nxjerrë.
Rikonstruktimi i mamuthit përmes kësaj gjetjeje, do të ndihmonte për të treguar madhësinë gjigante që e ka arritur. /Telegrafi/