Trajneri i Real Madridit, Carlo Ancelotti po lidhet me punën e Roberto Mancinit te Kombëtarja e Italisë.
Pozita e Mancinit është në rrezik pas dështimit të Italisë në kualifikueset e Kupës së Botës mbrëmë kundër Maqedonisë së Veriut.
Humbja dhe mbetja jashtë Kupës së Botës “Katar 2022” ka bërë që e ardhmja e Mancinit të jetë shumë e përfolur.
Drejtuesit e FIGC kanë këmbëngulur se puna e Mancinit është e sigurt, por mediat italiane nuk mendojnë kështu.
Sipas mediumit La Gazzetta dello Sport, emrat e zëvendësuesve janë duke u përmendur dhe Fabio Cannavaro është nga të parët që po analizohet.
Cannavaro konsiderohet si favorit për të pasuar Mancinin, por tashmë edhe Ancelotti është duke u përmendur si kandidat i mundshëm.
Me Italinë jashtë Kupës së Botës në Katar, Ancelotti nuk do të ketë nevojë të marrë frenat derisa të përfundojnë angazhimet e këtij sezoni me Real Madridin. /Telegrafi/