Ambasadorja e Kosovës në SHBA, Vlora Çitaku, ka reaguar pas vrasjes së një gruaje në Prizren nga burri i saj.
Çitaku, përmes një postimi në Facebook, tha se nuk është koha për tronditje e për të bashkëndjerë dhimbje, por është koha për revoltë.
Ndërsa në një postim tjetër ambasadorja Çitaku ka pyetur se “a nuk ka ardhur koha të flasim për numrin e madh dhe të pakontrolluar të armëve në duar të personave të paautorizuar”.
“Sa armë pa leje janë në Kosovë?”, ka pyetur Çitaku.
Postimet e plota të ambasadores Çitaku:"Nuk është koha për tronditje e për të bashkëndjerë dhimbje. Koha është për revoltë. Gratë po vriten me një lehtësi të padururshme.Dhunë e vrasje ndaj grave ka kudo. Ajo që bën dallimin është mënyra se si reagon shoqëria dhe institucionet.#Timetoact #Gratëpovriten #Revoltë", ka shkruar Çitaku në Facebook."Pastaj, a nuk ka ardhë koha të flasim për numrin e madh dhe të pakontrolluar të armëve në duar të personave të paautorizuar. Sa armë pa leje janë në #Kosovë? Dhe sa lehtë është të pajisesh me një të tillë. Personi që vrau gruan mbrëmë në Prizren sapo paska ardhë nga Zvicrra. Ju garantoj që atë revole nuk e ka sjellë nga atje", ka shkruar ajo.
Për vrasjen e gruas në Prizren kanë reaguar edhe udhëheqësit e shtetit, Hashim Thaçi, Kadri Veseli dhe Ramush Haradinaj.
Viktima A.A dyshohet të jetë vrarë mbrëmë nga bashkëshorti i saj.
/Telegrafi/