Michael J. Fox ka hedhur poshtë zërat për vdekjen e tij, duke siguruar publikun se është mirë dhe aktiv.
Përfaqësuesi i tij deklaroi se më 7 prill ai mori pjesë në festivalin PaleyFest në Los Angeles, ku u shfaq në skenë dhe dha intervista, duke dëshmuar se është në gjendje të mirë shëndetësore.
Këto thashetheme nisën pasi CNN publikoi gabimisht një video me titull që nënkuptonte se aktori kishte ndërruar jetë.
Videoja u hoq shpejt dhe rrjeti kërkoi falje publike për gabimin, por ndërkohë shkaktoi shqetësim të madh tek fansat dhe një rritje të kërkimeve online për gjendjen e tij.
Fox reagoi me humor dhe ironi ndaj situatës, duke ndarë një mesazh ku bënte shaka për mënyrat e mundshme se si dikush mund të reagojë kur dëgjon lajme të tilla për veten.
Ai theksoi se nuk është hera e parë që përballet me lajme të rreme të këtij lloji.
Aktori vazhdon të flasë hapur për përballjen e tij me sëmundjen neurodegjenerative nga e cila vuan prej vitesh.
Tregon se përpiqet të ruajë një qëndrim pozitiv, duke u përqendruar tek gjërat e mira dhe duke u përshtatur me sfidat e përditshme fizike. /Telegrafi/