Aksident me pesë të lënduar në Nadakovc të Vushtrisë
04/09/2016
Pesë persona kanë kërkuar tretman mjekësor, si pasojë e lëndimeve të pësuara në një aksident trafiku.
Aksidenti raportohet të ketë ndodhur në ora 19:00 në rrugën magjistrale Mitrovice-Prishtine, segmenti rrugor në fshatin Nadakovc të Vushtrrisë, transmeton Telegrafi.
Në aksident janë përfshirë dy automjete civile. Shkaktar i aksidentit dyshohet të jetë pakujdesia e drejtuesit të njërës nga veturat e aksidentuara, i cili nga rruga dytësore lidhet në rrugë magjistrale dhe godet veturën tjetër në lëvizje.
Pesë të lënduarit kanë kërkuar tretman mjekësor QKF të Vushtrrisë, e pastaj janë dërguar në QKUK. /Telegrafi/