Këngëtarja Adele ka bërë kërkesë zyrtare në një gjykatë në Los Angeles për t'u shkurorëzuar nga bashkëshorti Simon Konecki - njofton BBC News.
Zëdhënësi i familjes ka thënë se çifti është marrë vesh që të ndahen edhe zyrtarisht, ndërsa do të kujdesen së bashku për rritjen e djalit të tyre.
Në njoftimin për shkurorëzim, ata kërkojnë nga gazetarët dhe publiku që ta respektojnë privatësinë e tyre dhe se nuk do të flasin më për divorcin.
Ylli i famshëm botëror i muzikës dhe investuesi i njohur u martuan në vitin 2016, pesë vite pasi kishin nisur lidhjen nga e cila kishte ardhur në jetë djali i tyre, Angel.
Ata u martuan në një ceremoni të fshehtë, ndërsa Adele për herë të parë foli për martesën në ceremoninë e ndarjes së çmimeve Grammy në vitin 2017. /Telegrafi/