27/11/2020
Ministri i Infrastrukturës, Arban Abrashi, bashkë me ministrin e Punëve të Brendshme, Agim Veliu dhe ushtruesin e detyrës të kryetarit të Podujevës, Nexhmi Rudari, të premten kanë ndjekur nga afër asfaltimin e segmentit të katërt të rrugës Prishtinë-Podujevë.
Mirëpo, kjo dalje publike e Abrashit vetëm 9 ditë pasi i njëjti kishte njoftuar infektimin me coronavirus ka shkaktuar reagimin e Lëvizjes Vetëvendosje.
Anëtarja e Kryesisë së Lëvizjes Vetëvendosje, Albulena Haxhiu, këtë veprim të Abrashit e ka konsideruar vepër penale.
Ish-ministrja e Drejtësisë në një postim në Facebook ka bërë thirrje për policinë e prokurorinë që “t'i zbatojnë detyrimet ligjore ndaj Abrashit njësoj sikur edhe për qytetarët tjerë”.
