American Airlines rifillon fluturimet pas një problemi teknik

American Airlines ka rifilluar fluturimet pasi pezulloi shërbimet e saj për rreth një orë të martën për shkak të një problemi teknik, që ndikoi në sistemet e nevojshme për ngritjen e aeroplanëve të saj.

Ndalesa mbarëkombëtare u anulua pak para orës 13:00, sipas Administratës Federale të Aviacionit (FAA), transmeton Telegrafi.

Ndërprerja erdhi gjatë një prej ditëve më të ngarkuara të udhëtimit të vitit, pasi pasagjerët bënin udhëtime në prag të Krishtlindjeve.

“I kërkojmë sinqerisht falje klientëve tanë për shqetësimin e krijuar këtë mëngjes”, u tha nga linja ajrore.

“Gjithçka është e gatshme pasi ekipi ynë po punon me zell për t’i çuar klientët, atje ku duhet të shkojnë sa më shpejt që të jetë e mundur”, u tha ndër tjera.

Bordet e nisjes në aeroportet kryesore të SHBA-së ende tregojnë vonesa deri në dy orë për disa fluturime pasi linja ajrore po rimëkëmbet nga problemi mbarëkombëtar, por ueb-faqja e gjurmimit në kohë reale Flightradar24 tregon aeroplanët që ngrihen përsëri në një numër qendrash kryesore të udhëtimit në SHBA dhe në shumicën e fluturimeve nisen në kohë.

Pasagjerët raportuan në mediat sociale se ishin të mbërthyer në asfalt ose në porta, pasi fluturimet u ndikuan nga ndërprerja për rreth një orë.

Disa pasagjerëve iu tha gjithashtu të zbrisnin nga aeroplanët e tyre. /Telegrafi/