Ambasada e Kosovës në Bern, njofton qytetarët të cilët po qëndrojnë si vizitorë në Zvicër të lajmërohen për kthim në vendlindje

Ambasada e Kosovës në Bern i ka bërë thirrje shtetasve kosovarë të cilët po qëndrojnë si vizitorë në Zvicër, të lajmërohen në zyrat e saj.

Kjo, në mënyrë që të bëhet evidentimi i të dhënave të tyre dhe të shihet mundësia e kthimit të organizuar në Kosovë.

“Të gjithë shtetasit e Republikës së Kosovës të cilët po qëndrojnë si turistë/vizitorë në Zvicër, që për arsye të Covid-19 nuk kanë mundur të udhëtojnë për Kosovë dhe ju skadon afati i vizës, luten t’a njoftojnë Ambasadën e Republikës së Kosovës në Bernë, në mënyrë që të bëhet evidentimi i të dhënave të tyre dhe të shihet mundësia e kthimit të organizuar në Kosovë”, thuhet në njoftim.

Shtetasit kosovar me banim në kantonet të cilat i mbulon Ambasada Kosovës në Bern, luten t’a kontaktojnë shërbimin konsullor te Ambasadës dhe ti dërgojnë kopjen e pasaportës, kopjen e vizës dhe një numër kontaktues në e-mail: consulate.bern@rks-gov.net

Për informacione shtesë luteni t’na kontaktoni në numrin emergjent:

+41 77 479 11 86