Alexa së shpejti mund të jetë në gjendje të krijojë “përralla para gjumit” për fëmijët – duke përdorur Inteligjencën Artificiale

Çdo mbrëmje rreth orës 20:00, në shtëpitë në mbarë botën, prindërit dëgjojnë fjalët: “Më trego një përrallë para gjumit” ndërsa i vendosin fëmijët e tyre në shtrat për natën.

Dhe për këtë, Amazon po punon në plane të mëdha për të rifilluar biznesin e saj Alexa duke futur inteligjencën artificiale në pajisjet e saj ndërvepruese, duke përfshirë një veçori të re tregimi që synon një audiencë familjare, përcjell Telegrafi.

Kështu, kompania po i përgjigjet një rritjeje të një teknologjie të quajtur AI gjeneruese e popullarizuar nga ChatGPT e OpenAI.

Kjo është ajo ku një model i madh gjuhësor (LLM) AI mund të krijojë gjëra krejtësisht të reja si tregime imagjinare duke studiuar shembuj të tjerë të ngjashëm.

Alexa do të jetë gjithashtu në gjendje ta bëjë historinë interaktive duke u kërkuar prindërve ose fëmijëve të përfshihen në krijimin e një përralle të tillë.

Nuk është e qartë se kur Amazon mund të vërë në dispozicion aftësi të tilla.

Por kur funksioni të lëshohet, Amazon shpreson të modifikojë pak kërkesën e vjetër të foshnjave të përgjumura, “Alexa, më trego një përrallë para gjumit”. /Telegrafi/