Alex Rodriguez me dedikim emocional për Jennifer Lopez në përvjetorin e parë të fejesës

Alex Rodriguez është kokë e këmbë i dashuruar me të fejuarën e tij, Jennifer Lopez.

Ish-ylli i MBL, 44-vjeç, ndau një video në Instagram duke festuar vitin e kaluar që kur u fejua me yllin e muzikës pop, 50-vjeçe.

“Një vit më parë në një plazh në Bahamas … Unë isha tejet i nevrikosur, më nervoz se gjatë gjithë karrierës time të lojës, u ula në një gju dhe ju bëra një pyetje … ju thatë po”, shkroi ai.

https://www.instagram.com/p/B9ia8bMHTLA/

“Jennifer, çdo moment me ty është një bekim. Ju jeni shoku im më i mirë, frymëzimi im, një nënë e mahnitshme dhe një femër model për të gjithë. Macha, unë kam aq fat që jam me ju. Faleminderit që e keni bërë jetën time më të mirë. Unë nuk mund të pres që të bëj më shumë kujtime me ty. Unë të dua”, përfundoi A-Rod.

Edhe pse çifti ende nuk ka konfirmuar datën e dasmës së tyre, raportohet se do të ndodhë këtë verë.

Lexo po ashtu Jennifer Lopez flet për lidhjen me Alex Rodriguez dhe tregon se përse është më ndryshe nga ish-të dashurit e saj

Javën e kaluar, krijuesja e hitit “On The Floor” i tha Oprah Winfrey se nuk është në një “nxitim” për t’u martuar.

“Nëse do të jemi bashkë për pjesën tjetër të jetës sonë, cili është nxitimi? Nëse kjo është ajo që ne do të bëjmë, nëse vërtet do të jemi partnerë, nëse ne me të vërtetë do të përpiqemi të ndërtojmë diçka së bashku që ne të dy nuk kemi pasur ose nuk e kemi ndier kurrë, që është një familje me një burrë dhe një grua, dhe një nënë e baba. Ne u tregojmë atyre se është diçka që nuk e kishim”, tha ajo.

Lopez gjithashtu përshkroi se si marrëdhënia e saj me Rodriguez është e ndryshme nga ato të mëparshmet.

“Ishte ndryshe nga gjithçka që kisha përjetuar ndonjëherë në kuptimin e qëndrueshmërisë së tij”, tha J.Lo. “Ashtu si thotë ai bën çdo herë. Dhe ai gjithashtu dëshiron të ndërtojë së bashku, gjë që nuk kam pasur kurrë. Unë kurrë nuk kam pasur, ti e di, dikush që dëshiron të më shohë të shkëlqejë dhe të jem unë”. /Telegrafi/