Aktorja që mbahet mend për horrorin “The Shining”, Shelley Duvall ka treguar pse nuk ka bërë filma për 20 vite

Shelley Duvall, aktorja që mbahet mend për filmin horror “The Shining”, në një intervistë të re ka treguar se ka bërë një pauzë 20 vjeçare nga xhirimet.

Gjegjësisht, ajo ka rrëfyer se u kthye në shtëpi në Teksas, pasi vëllai i saj u diagnostikua me tumor në palcën kurrizore.

“Janë pushimet më të gjata që kam bërë, por e bëra për një arsye të rëndësishme – për t’u rilidhur me familjen time”, ka thënë 73-vjeçarja për revistën People.

Pas mungesës së gjatë nga Hollywood, filluan spekulimet se kishte probleme me shëndetin mendor, por ajo e mohoi këtë.

Lexo po ashtu Shelley Duvall rikthehet në aktrim pas 20-të vitesh

Në ndërkohë, Shelly është rikthyer me një film të ri të titulluar “The Forest Hills”. Është një film horror me regji të Scott Goldberg. Premiera do të jetë më 11 mars në New Jersey.

Siç u përmend më parë, shumica e njerëzve e kujtojnë atë nga filmi i Stanley Kubrick, “The Shining”. Bazuar në romanin me të njëjtin emër nga Stephan King, tregon historinë e një shkrimtari të çmendur që synon të vrasë anëtarët e familjes së tij në një hotel të izoluar nga bota. /Telegrafi/