Aktorja e “Harry Potter”, Katie Leung thotë se u detyrua të mohonte racizmin gjatë xhirimeve të filmit

Katie Leung, një aktore e njohur për rolin e saj Cho Chang në “Harry Potter”, është hapur për racizmin që përjetoi gjatë xhirimeve të filmit.

Aktorja tani 33 vjeçare ka qenë e pranishme në pesë filmat, si dhe në lojëra e video të ndryshme. Ajo së pari u shfaq në “Harry Potter and Goblet of Fire” të vitit 2005 dhe bëri paraqitjen e saj të fundit në vitin 2011, “Harry Potter and the Deathly Hallows: Part 2”.

Aktorja së fundmi ishte pjesë e “Chinese Chippy Girl” dhe pretendoi se publicistët i thanë asaj të mohonte sulmet raciste që po përjetonte nga fansat nëse do të pyetej ndonjëherë.

Nuk iu desh shumë kohë që nga shfaqja e saj në “Goblet” që Leung të përjetonte racizëm.

“Unë isha duke shikuar në Google në një moment dhe isha në një faqe interneti, e cila ishte e përkushtuar ndaj Harry Potter”, kujtoi ajo për Variety. “Mbaj mend që lexova të gjitha komentet dhe kishte shumë racizëm”.

Katie ndërkaq është me origjinë kineze dhe ka lindur në Skoci. Ishte vetëm 16 vjeçe kur filloi karrierën si aktore.

Jashtë asaj që u tha që të mohonte sulme të tilla, ylli shtoi se nuk kishte marrë asnjë trajnim mediatik. Është e paqartë nëse publicistët të cilëve ajo iu referua kanë punuar për Warner Bros., studioja prapa filmit, apo për veten e saj.

“Më kujtohet që ata më thanë, ‘Oh, shiko Katie, ne nuk i kemi parë këto, këto uebfaqe për të cilat njerëzit flasin. Dhe ti e di, nëse të pyetin këtë, thjesht thuaj që nuk është e vërtetë. Thuaj që nuk po ndodh’”, tha aktorja. “Dhe unë vetëm pohova me kokë. Unë isha si, ‘Në rregull, në rregull’, edhe pse e kisha parë vetë me sytë e mi. Isha si, ‘Në rregull, po, unë thjesht do të them gjithçka është e mrekullueshme’”. /Telegrafi/