Aksion i policisë në tri qytete – arrestohen 10 persona si dhe konfiskohen 57 kilogramë marihuanë

Policia e Kosovës, ka bërë të ditur se brenda 24 orëve ka arrestuar 10 persona, të dyshuar për trafikim dhe shpërndarje të lëndëve narkotike.

Përmes një konference për media, policia kanë thënë se janë ndërmarr tri aksione, në të cilat janë konfiskuar edhe substanca të ndryshme narkotike.

Sipas policisë, aksioni i parë është bërë në fshatin Xërxë, e ku janë arrestuar katër persona, tre nga ta ishin nga Kosova kurse njëri nga Shqipëria, po ashtu janë konfiskuar 57 kg marihuanë, 2 vetura, 4 telefona, 1 revole dhe para të valutave të ndryshme.

Ky grup bënte shpërndarjen e narkotikëve përmes rrugëve ballkanike në drejtim të Evropës.

Aksioni i dytë u bë në Fushë Kosovë, ku u arrestuan 5 persona, 4 nga ta shqiptarë dhe 1 serb.

Ky grup bënte shpërndarjen e narkotikëve në nivel vendi.

Ndërsa aksioni i tretë u bë në Gjakovë ku u arrestua një person dhe u konfiskua narkotik i llojit marihuanë dhe kokainë e po ashtu telefon dhe mjete të tjera të cilat do të përdoren si dëshmi./Telegrafi/