Aksident i tmerrshëm në Melbourne, kamionit godet veturën policore dhe më pas një Porsche – humbin jetën katër zyrtarë policorë

Në një aksident trafiku mes një kamioni dhe një veture të policisë në Melbourne të Australisë, kanë humbur jetën katër zyrtarë policorë, raporton AP.

Kamioni kishte goditur veturën e policisë pasi që kishte dalë nga shiriti i vetë duke u përplasur me një Porsche, që kishte hasur në të, transmeton Telegrafi.

Ndryshe shoferi i Porsche ishte ndaluar nga policia 50 minuta para aksidentit, për shkak të tejkalimit të shpejtësisë.

Pas aksidentit, shoferi i veturës luksoze kishte fotografuar vendin e ngjarjes dhe ishte larguar në këmbë, kurse imazhet i ka publikuar në internet.

Më vonë është konstatuar se ky burrë i moshës 41-vjeçe ka qenë nën ndikim të substancave narkotike.

E shoferi i kamionit pas përplasjes me veturën e policisë kishte humbur vetëdijen, me c ‘rast është dërguar me urgjencë në spital për tretman nga ku po ruhet edhe nga policia.

Shoferi i Porsche raportohet se ka dosje kriminale dhe për këtë është arrestuar. Në anën tjetër policia pretendon se nuk e ka të qartë nëse deri te aksidenti ka ardhur rastësisht, apo është shkaktuar me qëllim.

Të gjithë zyrtarët policorë që ishin brenda vetura, tre meshkuj dhe një femër – kanë mbetur të vdekur në vend të ngjarjes. /Telegrafi/