“Ajo çfarë ndodhi ishte një turp”, Laporta nuk përmbahet nga polemikat e ndeshjes Real Madrid-Almeria

Presidenti i Barcelonës, Joan Laporta nuk ka mundur t’i mbajë fjalët dhe ka reaguar në lidhje me polemikat e gjyqtarëve rreth fitores së Real Madridit ndaj Almerias të dielën në mbrëmje.

Los Blancos patën tre vendime të anuluara nga VAR-i në favor të tyre, ndërsa nuk ndërhyri në një incident të mundshëm me karton të kuq për Vinicius Junior.

Të hënën ka rrjedhur audio nga bërryli i Vinicius Jr mbi Alejandro Pozo, i cili ilustronte se gjyqtari i VAR-it, Alejandro Hernandez Hernandez nuk e mendoi të nevojshme t’i kërkonte gjyqtarit kryesor të shikonte incidentin, duke hutuar tifozët e rivalëve.

Lexo po ashtu RFEF do të hapë hetime pas rrjedhjes së bisedës mes gjyqtarit dhe VAR-it në rastin e papërfillur të goditjes me byrryl të Vinicius Jr

“Ajo që ndodhi në Madrid ishte një turp. Kolektivi i gjyqtarëve duhet t’i përgjigjet presioneve që po ndodhin këtë sezon. Nëse nuk e bëjnë, kjo do të na lërë shumë në ankth sepse është neglizhencë e detyrave”, ka thënë Laporta.

Laporta do të vazhdonte të thoshte, se Barcelona nuk e ka shkurtuar diferencën me Real Madridin për shkak të vendimeve të gjyqtarëve dhe se ai është optimist për Blaugranët, duke pretenduar se ata janë më të bashkuar çdo ditë.

? Joan Laporta, en la #GalaMD de Mundo Deportivo: “Lo del Bernabéu fue una vergüenza”

? “El colectivo arbitral debe dar una respuesta a una serie de presiones que se están produciendo en esta temporada en los árbitros”

? “Si no hay respuesta, nos deja inquietos porque… pic.twitter.com/4tjeV4hSKk

— Mundo Deportivo (@mundodeportivo) January 22, 2024

Barcelona është ankuar për atë që ata e konsiderojnë si trajtim të padrejtë nga gjyqtarët, për dallim nga Real Madridi.

Megjithatë, duhet të theksohet se Laporta ende nuk ka shpjeguar siç duhet çështjen Negreira, ku ai dhe Barcelona përballen me akuzat për ryshfet në gjykatë. /Telegrafi/