Aguero thuhet se ka pranuar rolin e zëvendësuesit te Barcelona

Sergio Aguero thuhet se ka pranuar që ai nuk ka të ngjarë të jetë një titullar në formacionin e Barcelonës pas transferimit të tij si lojtar i lirë nga Manchester City.

Argjentinasi kaloi një dekadë te Man City, duke u bërë një legjendë e klubit pasi shënoi 184 gola vetëm në Ligën Premier.

Por, pasi kontrata e tij u lejua të skadonte, ai tani fillon një kapitull të ri te Barcelona pasi u bashkua me klubin katalunas si lojtar i lirë këtë verë.

Lexo po ashtu Lajm tronditës për Barcelonën: Nuk mund të regjistrojë asnjë transferim të ri, nëse nuk reduktojnë pagat nga të cilat lojtarët nuk po heqin dorë

Megjithatë, ata që ëndërrojnë një vijë sulmi të përbërë nga dyshja e miqve, Aguero dhe Messi – nëse ky i fundit nënshkruan marrëveshjen e tij të re – mund të mbeten të zhgënjyer.

Sipas gazetës AS, Aguero u njoftua kur nënshkroi se ka të ngjarë që ai do të luajë një rol rezervisti këtë sezon, pasi ka 33 vjet dhe vjen pas një sezoni të mbushur me dëmtime.

Është bërë e qartë se ‘plani A’ i Barcelonës do të paraqesë Ansu Fatin si sulmuesin kryesor nëse i riu shërohet siç duhet nga dëmtimi i tij afatgjatë.

Por, Aguero nuk hezitoi të bënte lëvizjen në Camp Nou, dhe duke qenë konkurrenti që ai është, pa dyshim që do ta bëjë vendimin më të komplikuar sesa duket në letër për Ronaldo Koeman. /Telegrafi/