Agjenti i Demiral: Interi është mundësi konkrete

Merih Demiral do të largohet nga Atalanta këtë verë – ka thënë agjenti i tij, i cili ka konfirmuar se Interi është mundësi shumë reale për hapin e radhës në karrierë.

Sky Sport Italia, Sportitalia dhe media të tjera kanë raportuar se shumë klube janë të interesuar për mbrojtësin turk, i cili nuk ndodhet lart në prioritetet e Gian Piero Gasperinit në Bergamo.

Për shkak të minutazhit jo të pëlqyer të lojës, Demiral dëshiron të largohet dhe përfaqësuesi i tij e ka bërë të qartë këtë gjë.

“Demiral 101 për qind do të largohet nga Atalanta”, ka thënë Furkan Yildrim për FCInterNews.it.

Lexo po ashtu PSG dhe Interi gjejnë marrëveshje për Milan Skriniarin, por zikatërit nuk po mund të gjejnë zëvendësues

Agjenti është pyetur për thashethemet për kalimin te skuadra e Simone Inzaghit që ka nevojë për qendërmbrojtës pas largimeve të Milan Skriniar e Danilo D’Ambrosio si lojtarë të lirë.

“Interi është një mundësi konkrete. Bisedimet nuk ka filluar ende, por jemi të gatshëm t’i nisim kur të ndodhin”, ka deklaruar Yildrim.

25-vjeçari për herë të parë arriti në Serie A në janar të vitit 2019 te Sassuolo, pastaj u transferua te Juventusi gjashtë muaj më pas për 19.5 milionë euro. Zonja e Vjetër fillimisht e huazoi dhe më pas e shiti te Atalanta për 21 milionë euro dhe po ashtu do të përfitojë 10 për qind nga shitja e mëtutjeshme. /Telegrafi/