Aggeler: Maqedonia po përballet me një epidemi korrupsioni, lista e zezë do të zgjerohet

Ka faza të ndryshme dhe mënyra të ndryshme në të cilat personat që janë në listën e zezë mund të raportojnë pakënaqësinë e tyre, por gjithsesi në çdo rast kemi pasur paralajmërim të sanksioneve, theksoi sot ambasadorja amerikane në vend, Angela Aggeler.

Lexo po ashtu Angjushev pas futjes në listën e zezë: Do ta apeloj vendimin

Gjatë vizitës së saj në “Krivollak”, ajo iu përgjigj pyetjeve të gazetarëve lidhur me deklaratat e ish-zëvendëskryeministrit Koço Angjushev se do të apelonte vendimin e Departamentit të Shtetit, i cili e futi në “listën e zezë” për shkak të korrupsionit.

Aggeler shtoi se lista do të zgjerohet me njerëz të rinj, por nuk tha se kur dhe me kë, duke theksuar se nuk mund të parashikojë se çfarë do të vendosë Uashingtoni.

“Ka faza të ndryshme dhe mënyra të ndryshme sesi personat që janë në “listën e zezë” mund të raportojnë pakënaqësi, por gjithsesi ne kemi shpallur sanksion. Ky sanksion është vendosur dhe kjo nuk është diçka që ne e marrim lehtë dhe e zbatojmë lehtë, por ne ende ndjekim rregulloret ligjore pozitive të Shteteve të Bashkuara në vendosjen e sanksioneve të tilla. Ju siguroj se do të ketë edhe emra të tjerë”, tha Aggeler.

Ambasadorja shtoi se në vend ka një epidemi korrupsioni, e cila duhet të parandalohet./Telegrafi/