Abe u qëllua në mes të fushatës zgjedhore – ai kërkonte votë për ish-partinë

Para se të plagoset, Shinzo Abe kishte bërë fushatë për ish-partinë e tij përpara zgjedhjeve legjislative të së dielës.

Partia Liberal Demokratike e Abe ka mbajtur një monopol virtual mbi pushtetin në Japoni që nga fundi i Luftës së Dytë Botërore dhe nuk kishte dyshime se kryeministri, Fumio Kishida do të kthehej për një mandat të dytë këtë fundjavë.

Në një sondazh të fundit, partia kishte një avantazh prej 20 pikësh ndaj konkurrentit të saj më të afërt, raporton bbc.

Lexo po ashtu Momenti i plagosjes të ish-kryeministrit japonez, Abe

Ndërsa ai dha dorëheqje nga detyra shkaku i shqetësimeve serioze shëndetësore në vitin 2020, Abe ka mbetur një ndërmjetës serioz i pushtetit brenda partisë së tij.

Paraqitja në qytetin Nara u konfirmua nga dega lokale e partisë vetëm një ditë para tubimit.

Tubimet publike si ato të Abe janë tipike në 20 ditët para zgjedhjeve, periudha e vetme kur fushata lejohet sipas ligjit japonez.

Dhe ndërsa politikanë të lartë si Abe zakonisht udhëtojnë me siguri të gjerë, sulmet ndaj figurave publike janë jashtëzakonisht të rralla në Japoni. /Telegrafi/