LAJMI I FUNDIT:

ABBA pranojnë se janë gati për të kompozuar këngën përfaqësuese të Britanisë në Eurovision, por duan që Dua Lipa ta këndojë atë

ABBA pranojnë se janë gati për të kompozuar këngën përfaqësuese të Britanisë në Eurovision, por duan që Dua Lipa ta këndojë atë

ABBA kanë zbuluar se janë të prirur të shkruajnë këngën reprezentuese të Mbretërisë së Bashkuar në Eurovision – por duan që Dua Lipa ta këndojë atë.

Pop-grupi suedez e di sekretin e suksesit të Eurovisionit pasi fituan konkursin në vitin 1974 me mega-hitin “Waterloo”.

Pjesëmarrësit e Mbretërisë së Bashkuar nuk kanë pasur të njëjtin fat – me interpretuesin e vitit të kaluar James Newman që fitoi zero pikë në ceremoninë e majit me këngën e tij “Embers” në Roterdam, shkruan DailyMail.


Megjithatë, Bjorn Ulvaeus i Grupit ABBA, 76 vjeç dhe Benny Andersson, 74 vjeç, thanë se mund ta kthenin fitoren nëse Dua do ta vinte veten në gatishmëri për të performuar.

Dyshja u shfaqën në episodin e së premtes në ‘BBC Breakfast’ teksa diskutuan lajmin se menaxhmenti i Duas, TaP Music, po kërkon një këngëtare për të konkurruar për të përfaqësuar Mbretërinë e Bashkuar në Eurovision 2022, që do të mbahet në “PalaOlimpico” në Torino, Itali.

Ata vazhduan duke thënë se do të donin ta shihnin vetë Duan duke kënduar këngën përfaqësuese të Britanisë së Madhe dhe këmbëngulën se do të ishin gati për të kompozuar këngën për artistin e duhur.

Benny vazhdoi: “Zgjedhja e një përfaqësuesi është një gjë, kompozimi është një gjë tjetër. Kështu që ju duhet edhe një këngë e mrekullueshme edhe një përfaqësues i mirë”.

Kur u pyet nëse do të konsideronin pjesëmarrjen sërish ë Eurovision, ai tha: “O Zot, një prezantim tjetër si Mbretëri e Bashkuar? Unë nuk e di”.
Përgjigja e tij ishte më e matur se ajo e Bjornit, i cili tha hapur: “Jo”.

Megjithatë, Benny këmbënguli: “Por cili është rreziku? Nuk mund të jesh më keq se i fundit”.

Bjorn tha: “Jo, por duhet të jetë një artist vërtet i mirë për të shkruar, po”, dhe dyshja më pas ranë dakord që Dua Lipa do të ishte zgjedhja e preferuar.

Kënga përfaqësuese e Mbretërisë së Bashkuar për vitin 2022, do të publikohet në një shtëpi të madhe diskografike për të rritur më tej shanset e kombit për fitore.

Dua ka thënë më parë për tabloidin The Sun: “Unë jam një britanike krenare, ndërkohë që jam edhe një kosovare krenare. Jam e lumtur t’i jap hua menaxherit tim për kauzën. Unë do t’i brohoras ata”.

Votimi në Eurovision ka qenë prej kohësh i ngjeshur me polemika mes pretendimeve për votime politike, veçanërisht nga vendet ish-sovjetike.

Pas performancës, çdo vend jep pikë për secilën këngë – duke filluar nga një deri në tetë, dhe më pas dhjetë dhe 12 për këngën më të mirë.

Nëse dilni jashtë dhjetëshes së parë, nuk iu jepen pikë nga ai vend.

Raundi i parë i pikëve vendoset nga një juri prej pesë profesionistësh të industrisë së muzikës në secilin vend, dhe i dyti jepet nga shikuesit që shikojnë programin nga shtëpia, të cilët mund të votojnë me telefon, mesazhe me tekst ose me anë të një aplikacioni telefonik.

Juria shpall drejtpërdrejt në transmetim pikët që do t’i ndajnë për shtetet përkatëse. Pikët e publikut më pas mblidhen dhe zbulohen në fund të shfaqjes, nga më e ulëta tek ajo më e larta.

Fituesit e këtij viti, grupi “Maneskin”, nga Italia, ishin një grup i zhanrit ‘rock’, të cilët i siguruan fitoren shtetit të tyre pas shumë vitesh. /Telegrafi/

Në trend Magazina

Më shumë
Egla Ceno zbulon finalistët e saj të preferuar në BBVA: Kam edhe fituesin, ai është mashkull

Egla Ceno zbulon finalistët e saj të preferuar në BBVA: Kam edhe fituesin, ai është mashkull

Magazina
Akuzat e Anisës se nuk iu realizua premtimi i bërë në BBVK 3, reagon klinika: Ajo insiston në operim, mjekët kanë konstatuar se nuk ka nevojë

Akuzat e Anisës se nuk iu realizua premtimi i bërë në BBVK 3, reagon klinika: Ajo insiston në operim, mjekët kanë konstatuar se nuk ka nevojë

Magazina
Gjesti zbret çmimin e madh, e prish lojën e rezistencës pasi nuk duron dot pa reaguar për qenin e tij

Gjesti zbret çmimin e madh, e prish lojën e rezistencës pasi nuk duron dot pa reaguar për qenin e tij

Magazina
Produksioni konfirmon: Egli do të rikthehet të shtunën në Big Brother VIP Albania

Produksioni konfirmon: Egli do të rikthehet të shtunën në Big Brother VIP Albania

Magazina
Sfida e mosreagimeve: Rozana përlotet, teksa në shtëpi hyn nipi i saj

Sfida e mosreagimeve: Rozana përlotet, teksa në shtëpi hyn nipi i saj

Magazina
Sfida e mos-reagimit në Big Brother VIP Albania, momenti kur Livia ia merr unazën nga dora Gjestit

Sfida e mos-reagimit në Big Brother VIP Albania, momenti kur Livia ia merr unazën nga dora Gjestit

Magazina
Kalo në kategori