Mbrojtësi shqiptar, Florent Hadërgjonaj është transferuar te skuadra gjermane, Ingolstadt 04 nga Young Boysi.
22vjeçari nga Kosova ka firmosur një kontratë 4vjeçare me Ingolstadtin, ku lajmi bëhet zyrtar nga të dyja klubet në faqet zyrtare.
Megjithatë, shifrat e marrëveshjes në mes të skuadrës gjermane dhe asaj zvicerane nuk janë bërë të ditura.
Ai te klubi gjerman u prezantua së bashku me agjentët e tij si Flakron Hadergjoanj që është edhe vëllai i tij, si dhe Erdin dhe Arbër shaqiri.
Lojtari i cili luan në pozitën e mbrojtësit të djathtë është aktivizuar me zviceranët e Young Boys në 71 ndeshje, 60 prej të cilave si titullar.
Ndryshe, Hadërgjonaj mund të jetë njëri nga futbollistët e ri që mund të vijnë të luajnë për Përfaqësuesen e Kosovës në kualifikimet për botërorin e Rusisë. /Telegrafi/
