Zyrtare: Gjilani e blindon mbrojtësin Armend Halili me kontratë të re

Gjilani është njëra nga skuadrat më aktive në afatin kalimtar të verës.

Përveç transferimeve, klubi nën kampion i Kosovës ka blinduar me kontrata të reja edhe lojtarët kryesorë të skuadrës.

Futbollisti i radhës që ka vazhduar me kuqebardhët është mbrojtësi i majtë Armend Halili.

Paraqitjet e mira dhe siguria e futbollistit nga Prishtina, kanë bërë që drejtuesit e skuadrës kuq e bardh, të vijojnë tutje bashkëpunimin me mbrojtësin e krahut të majtë edhe për dy vite të tjera.

Më poshtë keni njoftimin e plotë të klubit SC Gjilani:

Gjilani vazhdon bashkëpunimin me Armend Halilin

Gjilan, 06 Gusht 2020-Sport Club “Gjilani” dhe mbrojtësi i krahut Armend Halili, kanë gjetur akordin e vazhdimit të bashkëpunimit për dy vitet e ardhshme.

Paraqitjet e mira dhe siguria e futbollistit nga Prishtina, kanë bërë që drejtuesit e skuadrës kuq e bardh, të vijojnë tutje bashkëpunimin me mbrojtësin e krahut të majtë.

Armend Halili, i cili skuadrës së Gjilanit ju kishte bashkangjitur para dy edicioneve, më saktësisht në afatin kalimtar veror të vitit 2018, sot ka nënshkruar kontratën e re ku do ta mbajë atë si pjesë e skuadrës së Gjilanit edhe për dy sezonet e ardhshme.

/Telegrafi/