Zidane zbulon se kush e meriton Topin e Artë këtë vit, përgjigja e tij është epike

Zinedine Zidane beson se Karim Benzema dhe pjesa tjetër e skuadrës së Real Madridit të gjithë e meritojnë të fitojnë Topin e Artë të këtij viti.

Benzema ka qenë pika qendrore e skuadrës së Zidanes, duke siguruar 19 gola në 35 paraqitje në La Liga këtë sezon.

Falë përpjekjeve të tij, Reali mund të fitojë titullin e tyre të parë në La Liga që nga viti 2017 nëse fitojnë kundër Villarrealit sot (e enjte) ose nëse Barcelona nuk arrin të mposht Osasunan.

Lexo po ashtu Benzema kalon Puskasin, bëhet golashënuesi i pestë më i mirë në histori të Real Madridit

Sulmuesi francez është emëruar si njëri nga favoritët për Topin e Artë të këtij viti, pas golave të shumtë në kampionatin elitar spanjoll, megjithëse menaxheri i tij beson se ai është vetëm njëri nga shumë prej tyre që meritojnë ta fitojnë çmimin.

“Në futboll, të gjithë mund të thonë. Për mua, lojtarët e mi janë më të mirët”, ka thënë fillimisht trajneri i Real Madridit.

“Karim nuk është vetëm këtë vit, ai ka bërë shumë mirë për shumë vite. Topin e Artë e fiton vetëm një, dhe të gjithë mund të komentojnë, por për mua të gjithë lojtarët e mi e meritojnë atë”, përfundoi Zidane.

Lexo po ashtu Të tre bashkë kanë 100 vjet - Ramos, Modric dhe Benzema, po e udhëheqin Real Madridin drejt titullit

Momentalisht, Real Madridi është katër pikë para Barcelonës dhe i duhen vetëm dy pikë nga dy ndeshjet e tyre të fundit të sezonit për të kërkuar titullin e 34-të në La Liga.

Nëse djelmoshat e Zidane mundin Villarrealin sot, ata do të sigurojnë titullin kampion një ndeshja para mbylljes së sezonit. /Telegrafi/