Zidane: Më vështirë ta fitosh La Ligan sesa Ligën e Kampionëve

Trajneri i Real Madridit, Zinedine Zidane ka thënë se është më e vështirë për të fituar La Ligan sesa Ligën e Kampionëve

Real Madridi po  përgatitet të udhëtoj drejt kampionëve të Barcelonës për El Clasicom e të së dielës mes dy skuadrave më të mëdha spanjolle.

Mbretërit në këtë El Clasico vijnë pa pretendime pasi Barcelona veçse është shpallur kampion, ndërsa Reali edhe pse kanë dështuar të luftojnë për titull, ata kanë siguruar kualifikimin për në Ligën e Kampionëve.

Lexo po ashtu Dhjetë lojtarët me pagat më të larta në El Clasico, Messi më i 'pasuri'

Megjithatë, Reali ka lulëzuar në Evropë dhe po përgatiten për një finale me Liverpoolin në garën kryesore të klubeve të Evropës, duke mundur më parë Bayern Munichun në gjysmëfinale.

Zidane, megjithatë, beson se sfida e ruajtjes së performancës së lartë në 38 ndeshje është më e vështirë sesa fitimi i Ligës së Kampionëve.

“Është më e vështirë. Gjithmonë e kam thënë këtë: është më e vështirë [ta fitosh La Ligan sesa Ligën e Kampionëve],”, ka thënë Zidane kur u pyet për ndryshimin midis La Ligas dhe garës evropiane.

Lexo po ashtu UEFA zbulon aksidentalisht fituesin e Ligës së Kampionëve

Ndryshe, Reali e ka fituar tri herë në katër vitet e fundit trofeun e Ligës së Kampionëve, teksa ka thyer një rekord duke e fituar dy herë radhazi atë.

Los Blancos janë rrugës për të fituar trofeun e 13-të të Ligës së Kampionëve, pasi shihen si favorit kundrejt Liverpoolit në finalen e Kievit me 26 maj. /Telegrafi/