Zelensky: Do ta godisja Putinin në fytyrë, në rastin e parë do ta bëja këtë

Presidenti ukrainas Volodymyr Zelensky pa dyshim se është njeriu më i përfolur i vitit, e çdo paraqitje e tij televizive bëhet kryelajm i mediave botërore.

Ai së fundmi gjatë një interviste dhënë për televizionin LCI, ka bërë një koment interesant për presidentin rus Vladimir Putin, i cili filloi pushtimin e Ukrainës më 24 shkurt, transmeton Telegrafi.

Zelensky tha para gazetarit të LCI-së se është i gatshëm ta godasë në fytyrë Putinin, madje theksoi se mundësia e parë që do t’i jepej do ta bënte këtë.

E kjo nxiti të qeshura, pasi Zelensky para se të bëhej presidenti merrej me komedi pasi ky edhe është profesioni i tij.

Më poshtë ju sjellim videon e momentit kur ai deklaron se do ta grushtonte Putinin, i cili nuk i bëri mirë llogaritë kur nisi luftën në Ukrainë.

Pati deklaruar se do ta pushtojnë Kievin për dy apo tri ditë, por lufta ka hyrë në muajin e dhjetë dhe nuk ka asgjë nga ky pushtim i kryeqyteti të Ukrainës. /Telegrafi/

In an interview with the LCI channel, #Ukrainian President #Zelenskyy said that he was ready to "punch #Putin in the face" even tomorrow, at the first opportunity. pic.twitter.com/KYI1fszi0z

— NEXTA (@nexta_tv) December 17, 2022