Ylli i Spanjës cilësohet si objektiv kryesor i Arsenalit

Sulmuesi anësor i Athletic Bilbaos, Nico Williams pritet të jetë në qendër të një beteje të mundshme për transferimin e verës.

Gjigantët baskë janë të vetëdijshëm për interesin në rritje të transferimit për reprezentuesin spanjoll, pavarësisht se kanë rënë dakord për një zgjatje të kontratës me të deri në vitin 2027.

Williams ka deklaruar vazhdimisht dëshirën e tij për të qëndruar në Bilbao dhe klubi po kërkon të mbrojë interesat e tyre, nëse vjen një ofertë për 21-vjeçarin.

Krahas interesimit nga brenda La Ligas, ka lidhje të vazhdueshme me Ligën Premier, me Arsenalin mes skuadrave që monitorojnë përparimin e tij.

Eksperti i Arsenalit, Charles Watts, ka ofruar një përditësim mbi planet e transferimeve verore të Topçinjve, si pjesë e komenteve të tij ekskluzive në Briefing Day të Caught Offside, dhe ai është i sigurt se ka interes të fortë për Williams në Emirates Stadium.

Watts pretendon se Williams është më i larti në listën e opsioneve të mundshme për Arsenalin, përpara objektivave të tjerë të përfolur, pavarësisht se Bilbao ka të ngjarë të kërkoj të paktën 60 milionë euro për të shqyrtuar një shitje. /Telegrafi/