Ylli i Bayern Munich zbulon se ka refuzuar Real Madridin para se t’i bashkohej klubit bavarez

Nuk është sekret se gjatë viteve të fundit, Real Madrid ka ndryshuar strategjinë e transferimit të lojtarëve. Ata tani janë më shumë të fokusuar në blerjen e lojtarëve të rinj në moshë, se sa yje të gatshëm me çmime të larta.

Një ndër lojtarët për të cilin madrilenët kishin shprehur interesim ka qenë edhe Mathys Tel.

Tel konsiderohet si një nga sulmuesit e rinj më të talentuar në Evropë dhe së fundmi ka shfaqur një formë të jashtëzakonshme me klubin gjerman.

🌟 Mathys Tel: “Real Madrid or Bayern? It’s true that many clubs wanted me in 2022. It’s very true”.

“But I was only focused on Bayern, no other chance because I appreciated their project and the people behind the project”, told @lemediacarre. pic.twitter.com/ajlzodzVBS

— Fabrizio Romano (@FabrizioRomano) September 30, 2023

Francezi iu bashkua Bayernit verën e vitit të kaluar nga ekipi francez Rennes, ani pse ai ka mundur t’i bashkohej Real Madridit.

Në një intervistë për mediat franceze ai tha se ka pasur një ofertë nga Los Blancos para se të kaloj në Gjermani.

“Real Madrid apo Bayern? Është e vërtetë se shumë klube u interesuan për mua në 2022. Është shumë e vërtetë, por unë isha i fokusuar vetëm tek Bayerni. Nuk kisha opsion tjetër sepse unë e vlerësova projektin e tyre njerëzit mbrapa atij projekti”, u shpreh Tel.

Lexo po ashtu Real Madridi konsideron transferimin e talentit të Bayern Munichut si alternativë për Mbappen

Real Madridi mendon se fakti që nuk ia dolën të nënshkruajnë me Tel ishte një mundësi e madhe e lëshuar, edhe pse ditëve të fundit është raportuar se klubi spanjoll mund të bëjë një lëvizje për të në verën e vitit të ardhshëm./Telegrafi/