Yann Sommer në prag të kalimit te Interi

Bayern Munich thuhet se është gati të lejojë portierin Yann Sommer të transferohet te Interi, pasi të vendosë zëvendësuesin e tij.

Nerazzurrët, të cilët janë në turneun e tyre parasezonal në Japoni së bashku me gjigantët e Bundesligës, aktualisht janë pa asnjë portier të ekipit të parë pasi e shitën Andre Onanën te Manchester United dhe e lanë Samir Handanovicin të largohej pas përfundimit të kontratës.

Sommer është identifikuar prej kohësh nga Interi si zgjedhja e tyre kryesore për sezonin e ardhshëm dhe lojtari është i prirur të bëjë këtë lëvizje, duke i thënë Bayernit përpara udhëtimit në Japoni se ai dëshiron të largohet për në kryeqytetin e Lombardisë këtë verë.

Yann #Sommer to #Inter from #BayernMunich is at the final stage. Contract until 2025. #transfers https://t.co/N7lItw7kOg

— Nicolò Schira (@NicoSchira) July 25, 2023

Mediumi Gazzetta dello Sport detajon se si Bayerni më në fund është gati të lejojë Sommer të largohet, tani që ata kanë rreshtuar si zëvendësues spanjollin David Raya, i cili ka hyrë në vitin e fundit të kontratës së tij me Brentford.

Interi ka pritur me durim për të finalizuar ardhjen e Sommer dhe ata janë të prirur ta mirëpresin atë në kampin e tyre stërvitor në Japoni.

Gjërat mund të përfundojnë në 48 orët e ardhshme dhe është ende e paqartë nëse Nerazzurrët do të paguajnë klauzolën e tij të lirimit prej 6 milionë euro apo do t’i jepet një zbritje e vogël. /Telegrafi/