Xhavit Haliti nuk i mori 8 milionë nga Ahmeti Krasniqi, por 3.2 milionë

Debati i javëve të fundit, e që është i vjetër gati 20 vite, rreth milionave të luftës, ka sjell detaje të reja nga këto transaksione të fshehura.

Anton Quni thoshte se Xhavit Haliti mori gati 8 milionë marka nga Ahmet Krasniqi, ndërkohë që Xhavit Haliti insistonte se nuk është e saktë shuma.

Mirëpo, në një dokument të siguruar nga emisioni i Insajderit, Indoks, kuptohet se Xhavit Haliti mori 3 milionë e 270 mijë euro nga koloneli Krasniqi.

Dokumenti i 7 majit të 1998, tregon se Xhavit Haliti pranoi 3 milion e 270 mijë marka nga Ahmet Krasniqi.

Mbi 3.2 milionë marka u bartën nga fondet e Republikës së Kosovës u bartën tek UÇK’ja, por akoma nuk dihet ku u shpenzuan, e për këtë gjë pyeti edhe Quni në Kuvend.

Ndërkohë, Gani Hoxha, aktivisti i “3%” thotë se duhet të hetohen këto miliona, duke premtuar që ai dhe familja janë në dispozicion për këtë çështje.

Sidoqoftë, Hoxha thotë se Haliti kishte marrë edhe 5 milionë nga Bujar Bukoshi e Isa Mustafa, mirëpo fjalët e Anton Qunit lidheshin me paratë që i kishte dhënë Halitit koloneli Ahmet Krasniqi.