“Willian trashaluqi”, fiziku i brazilianit provokon reagim nga tifozët e Arsenalit pas humbjes ndaj Hibernian

Fotografitë e sulmuesit Willian nga miqësorja e fundit para-sezonale e Arsenalit janë bërë virale në mediat sociale pasi ka sugjerime që lojtarët duken të papërshtatshëm dhe jo në formë të mirë fizike.

Tifozët e futbollit kanë reaguar në Twitter ndërsa imazhet e Willian kanë irrituar mbështetësit e Arsenalit ndërsa rivalët e tyre kanë shfrytëzuar rastin për të tallur Topçinjtë.

Që kur Willian u bashkua me klubin verën e kaluar në një transferim falas, ai ka luftuar për të gjetur formën e tij nga ditët e tij te Chelsea, duke shënuar vetëm një gol në 37 paraqitje për ekipin e Londrës Veriore.

Përzgjedhja e tij në formacionin titullar ishte një befasi për shumë tifozë të Arsenalit pasi ka pasur shumë raporte se londinezët po kërkojnë të shesin lojtarin, megjithatë duket se largimi i tij mund të ndodhë ende para fundit të verës.

Edhe pse fiziku i Willianit ishte një befasi e madhe për shumicën e tifozëve të futbollit, Arsenali i Mikel Arteta u mposht çuditërisht 2-1 nga skuadra skoceze Hibernian.

Lexo po ashtu Portieri i Arsenalit bëri një gabim trashanik në humbjen 2-1 ndaj Hibernian në ndeshjen parasezonale

Një gabim i tmerrshëm nga portieri i Arsenalit, Arthur Okonkwo, çoi në golin e parë për Hibernian i cili u shënua në minutën e 69-të.

Emile Smith Rowe shënoi një gol të vonshëm për Arsenalin, megjithatë pas një paraqitjeje zhgënjyese, skuadra e Arteta nuk pati fillimin më të mirë të fushatës së tyre para-sezonale. /Telegrafi/