West Ham bën ofertë zyrtare për Armando Brojën, por Tuchel thotë se Chelsea nuk ka interes ta shes shqiptarin

Armando Broja vazhdon ta ketë të paqartë të ardhmen e tij nëse do të qëndrojë apo do të largohet nga Chelsea.

Sulmuesi shqiptar është bashkuar me londinezët në stërvitjet parsezaonale në Shtetet e Bashkuara të Amerikës nën urdhrat e Thomas Tuchel.

Rivali lokal i Chelseat, West Ham United po e kërkon me ngulm transferimin e reprezentuesit shqiptar madje ka bërë një ofertë zyrtare prej 35 milionë eurove.

‘Çekanët’ janë skuadra më e interesuara për Brojën dhe njëherit më favoritet para Newcastle United e Everton që gjithashtu janë në garë për shqiptarin.

Por për të ardhmen e Brojës ka folur edhe trajneri gjerman i Chelseat, Thomas Tuchel duke thënë se nuk kanë interes ta shesin atë.

“Armando Broja është një lojtar i yni para së gjithash dhe nuk kemi asnjë interes ta shesim atë”, tha Tuchel.

Chelsea manager Tuchel: “Armando Broja’s our player first of all, and as of now we have no interest in selling him”. 🔵 #CFC @NizaarKinsella

“He's here to make an impression”, Tuchel added.

West Ham have submitted €35m bid for Broja, but it’s up to Chelsea now. pic.twitter.com/sOWdMyKk7e

— Fabrizio Romano (@FabrizioRomano) July 16, 2022

“Broja është këtu me ne për të lënë përshtypje në fazën përgatitore”, u shpreh ndër të tjera Tuchel.

Mbetet të shihet nëse vërtet Chelsea dëshiron ta mbajë Brojën apo qëllimi është që vetëm t’i rritet çmimi reprezentuesit shqiptar. /Telegrafi/