Wanda Nara bashkë me fëmijët e saj pozojnë me fanellën e Messit

Wanda Nara dhe fëmijët e saj janë fotografuar duke pozuar me bluzat e Lionel Messit përpara finales së Kupës së Botës pas ndarjes së saj të fundit nga ylli i Argjentinës, Mauro Icardi.

Modelja mahnitëse zbuloi se është ndarë sërish nga bashkëshorti i saj pasi nuk arriti të shpëtonte martesën e tyre në Maldive.

Dyshja kanë duruar disa muaj të vështirë në marrëdhënie, me Icardin, 29 vjeç, që thuhet se ishte në lidhje me një aktore turke në nëntor.

Kjo ndodhi disa javë pasi Wanda u pa duke u puthur me reperin L-Gante.

Në fund të muajit, çifti dukej se kishte zgjidhur mosmarrëveshjet e tyre pasi u panë të dashuruar së bashku në Maldive.

Por Wanda tha se udhëtimi nuk ishte në gjendje të shpëtonte lidhjen e tyre dhe konfirmoi se ata janë ndarë edhe një herë.

Megjithatë, bukuroshja 36-vjeçare Nara po i lë mënjanë këto probleme për të bërë tifo për vendin e saj në finalen e Kupës së Botës kundër Francës.

Dhe ajo ka postuar një foto të saj dhe tre djemve të saj, Valentino, Constantino dhe Benedicto, të cilët janë nga martesa e saj e parë me Maxi Lopez, të veshur me fanellat e Argjentinës.

Dhe të gjithë kishin numrin dhjetë të stolisur mbi ta në nderim të Messit legjendar.

Icardi aktualisht është i huazuar te Galatasaray në Turqi dhe nuk është pjesë e skuadrës së Argjentinës për Kupën e Botës pasi u la jashtë nga Lionel Scaloni.

Theksojmë që Nara dhe Icardi u martuan në maj 2014.

Ata kanë dy vajza së bashku, Francesca, 7 vjeç dhe Isabella gjashtë vjeç.

Icardi ka një gol në tetë paraqitje për vendin e tij, por ai i ka përfaqësuar për herë të fundit në vitin 2018. /Telegrafi/