Këngëtarja e njohur shqiptare, Vesa Luma, është duke e shijuar qëndrimin në vendlindje.
Ajo është kthyer prej muajsh nga Zelanda e Re në Kosovë, me djalin e saj Lianin, ku ka pasur rastin të çmallet me familjarët dhe miqtë e saj.
E teksa po vazhdon të qëndrojë në Prishtinë, jeta e Vesës nuk po kalon pa zhvillime, pasi këngëtarja së fundmi ka treguar për një nga ndryshimet e reja në trupin e saj.
Përmes disa fotografive të publikuara në rrjetin social Instagram, Luma ka bërë të ditur se i ka shtuar trupit të saj një tatuazh të ri në krah.
Bëhet fjalë për figurën e Hyjneshës së Fron, e cila është simbol i qytetit të Prishtinës – të cilën tashmë këngëtarja e ka të vizuar në dorë.
Vesa, e cila është lindur dhe rritur në kryeqytet dhe vjen nga një familje dem baba dem prishtinase, duket se ka vendosur që ta jetësojë në trup, simbolin që identifikon qytetin e saj.
E kur jemi te Prishtina, vite më parë ajo i kishte kushtuar edhe këngë qytetit, të quajtur “Prishtina”, e cila u publikua në mbështetje edhe të tifozëve të klubit basketbollistik të kryeqytetit. /Telegrafi/
