Kompania “Escobar Inc” ka njoftuar se do të lansojë në treg telefonin e mençur të palosshëm që është pagëzuar “Fold 1”, shkruan Reuters.
Themeluesi i kompanisë është Roberto Escobar, vëllai i të ndjerit Pablo Escobar, narko-bosit kolumbian, transmeton Telegrafi.
Familja e ish-shefit të kartelit famëkeq Medelein, ka njoftuar se “Escobar Inc” po bëhet gati të lansojë telefonin e mençur të ndjeshëm në prekje.
“Gjithmonë më ka interesuar elektronika. Kam dashur të nxjerr në treg një telefon që dallon nga gjitha modelet tjera”, ka deklaruar Roberto Escobar për Reuters.
“Teknologjia më e mirë në botë sot janë telefonat e mençur të palosshëm. Tani kjo po konsiderohet e arritur sikur para 10 viteve kur u shfaqen në treg telefonat me kamerë. Ne po i ndryshojmë gjërat, në thelb jemi Steve Jobs i ri në këtë punë”, ka deklaruar biznesmeni suedez Olaf Gustafson, njëherit drejtor ekzekutiv i Escobar.
“Fold 1” i Escobarit do të punojë me sistemin Android dhe do të kushtojë 349 dollarë sa i përket versionit bazë, derisa modeli me memorie më të madhe do të jetë i disponueshëm në treg me një qmim prej 499 dollarë. /Telegrafi/
Themeluesi i kompanisë Roberto Escobar, 72-vjeç, i kishte kaluar 12 vite në burg për faktin se ishte anëtar i kartelit Medelein. Ai ishte dorëzuar te autoritetet e sigurisë në vitin 1992, kurse vëllai i tij u vra një vit më vonë në një aksion të përbashkët mes policia amerikane dhe asaj kolumbiane.
Tani, 30 vite më vonë, shpreson se do të shfrytëzojë mbiemrin e familjes për të pasur sukses në shitjen e telefonave të mençur. /Telegrafi/
